Komisioni Evropian vë në dispozicion 158,9 milionë euro për Shqipërinë, Malin e Zi dhe Maqedoninë e Veriut në kuadër të Planit të Rritjes së BE-së
Komisioni Evropian vuri në dispozicion 49 milionë euro për Shqipërinë, 44,2 milionë euro për Malin e Zi dhe 65,7 milionë euro për Maqedoninë e Veriut në kuadër të Instrumentit për Reforma dhe Rritje. Kjo pagesë shpërblen përparimin në reforma në Ballkanin Perëndimor dhe mbështet konvergjencën ekonomike me tregun e vetëm të BE-së. Shqipëria është vlerësuar si një nga vendet me performancën më të mirë në rajon për zbatimin e Agjendës së saj të Reformave.
