Shqipëria mbyll tre kapitujt e parë të negociatave me BE-në
Shqipëria ka mbyllur zyrtarisht tre kapitujt e parë të negociatave në kuadër të procesit të anëtarësimit në Bashkimin Evropian, që mbulojnë kërkimin dhe inovacionin, arsimin dhe kulturën, si dhe marrëdhëniet e jashtme. Komisionerja Evropiane për Zgjerimin, Marta Kos, e mirëpriti këtë arritje, duke e cilësuar si dëshmi se Shqipëria tashmë po bëhet pjesë e familjes evropiane “në praktikë”. Ajo përgëzoi Tiranën për përparimin, ndërsa theksoi se ruajtja e ritmit të reformave do të jetë thelbësore, veçanërisht në fushat e shtetit të së drejtës, pavarësisë së gjyqësorit dhe luftës kundër korrupsionit.
