Parlamenti Evropian miraton me shumicë votash Raportin e Progresit për Shqipërinë
Parlamenti Evropian miratoi raportin më të fundit të progresit për Shqipërinë me 483 vota pro, 103 kundër dhe 70 abstenime. Raporti vlerëson përparimin e Shqipërisë në rrugën drejt anëtarësimit në BE, duke rikonfirmuar synimin e deklaruar të vendit për t'u anëtarësuar në Bashkimin Evropian deri në vitin 2030 dhe për t'i përmbyllur negociatat e anëtarësimit deri në vitin 2027. Parlamenti i bëri thirrje Shqipërisë të vijojë reformat në luftën kundër korrupsionit dhe krimit të organizuar.
